1. Skip to Menu
  2. Skip to Content
  3. Skip to Footer>

Հանելուկներ կենդանիների մասին

Ջրերի խորից իր կերն է գտնում,

Ձյունակույտի տակ խոր քուն է մտնում,

Չորոտանի է, հսկա կաթնասուն,

Ցուրտ բևեռում է միայն բնակվում:

                               Բևեռային արջ

***

Ողորկ ու ձիգ մարմին ունի,

Մեր բարեկամ այդ կանդանին,

Կաթնասուն է և խելացի,

Փրկարարը՝ խեղդվողների:

                              Դելֆին

***

Ունի փոքրիկ ու կարճ անուն,

Ինքը՝ հսկա մի կաթնասուն,

Բնակվում է օվկիանոսում,

Փղից էլ մեծ ձագ ունենում:

                                Կետ

***

Ձյունաթույր մուշտակ ունի իր հագին,

 Ձյունե որջում է պահում ձագերին,

Ձյուն ու սառույցի անբաժան ընկեր,

Չորքոտանի այդ հսկան ձյունահեր:

                         Սպիտակ արջ

***

Թել է մանում բարակ, նրբին,

Փաթաթում է իր կծիկին,

Թե չեն հանում ժամանակին՝

Չի ափսոսում իր մանածին:

                        Շերամորդ

***

Հյուսում է նա մետաքս նրբին,

Նվիրում է ողջ աշխարհին,

Ուտում է միշտ կանաչ տերև,

Բայց չի սիրում պայծառ արև:

                                      Շերամորդ 

***

Փորձեք գուշակել՝ կա մի կաթնասուն,

Ականջը ձայնի՝ զգաստ և արթուն,

Չոր ծառ է դնում իր գլխի վրա,

Ի՞նչ է՝ ասացեք անունը նրա:

Եղջերու

***

Թռչկոտում է ոստոստալով,

Ճկուն պոչը՝ տափին տալով,

Ու փորձության դժվար պահին

Ձագն է հանձնում իր մախաղին:

Ագեվազ

***

Կրծող է նա՝ կաթնասուն,

Պտտվում է օրն ի բուն,

Մտերիմ չէ մարդու հետ,

Նրան կոչում են...

Առնետ

***

Ո՞ր թավշամարմին կրծողն է՝ գիտե՞ս,

Մորթին՝ փափկամազ, նուրբ մետաքսի պես,

Սիրելի է նա, մանավանդ կանանց,

Գլխարկ, մուշտակ է պարգևում նրանց:

Սամույր

***

Ոչ թռչուն է, ոչ սողուն,

Ջրում ապրող կաթնասուն,

Կտուց ունի բադի պես,

Ձու է ածում հավքի պես,

Երբ որ ձագերն են ծնվում,

Նրանք կաթով են սնվում:

Բադակտուց

***

Մուշտակ ունի գորշ գույնի

Գլխակախ այդ կենդանին,

Թաթը դրած բերանում՝

Մրափում է ողջ ձմեռ:

Գորշ արջ

***

Աչքեր ունի՝ մութ գիշեր,

Մաշկի վրա՝ սուր փշեր,

Ձու է ածում հավի պես,

Ի՞նչն է, արդյոք, դու գիտե՞ս:

Եքինդա

***

Պարանոցն է ձիգ, ճկուն ու երկար,

Թռչում-անցնում է աշխարհից աշխարհ,

Լողում է ջրում, շրջում է մարգում,

Լոկ մեկ անգամ է նա երգում կյանում:

Կարապ

Comments: